Urte honetarako  tailerrei amaiera emateko, sukaldaritza natural eta osasungarriaren tailer hau egin ahal izan genuen. Arrakasta handia deialdiari dagokionez, hiru talderentzat aurreikusitako plaza kopurua gainditu egin baitzen eta laugarren talde bat osatu behar izan genuen.

Ikastaroak modu praktiko eta atseginean egin zuen aurrera Isa Diazen eskutik. Hiru platerez osatutako menu bat prestatu genuen, eta gero dastatu ahal izan genuen, bertaratutakoen gehiengoaren onespenarekin.

1. Miso-zopa – 2. Soja berde eta olozko hanburgesatxoak- 3. Fruta-gelatina.

Ikastaroan zehar, erabilitako osagaien onura nutritibo eta osasungarriei buruzko informazioa  eman zuen Isak, eta, bereziki, misoa, agar-agarra eta antzeko elikagaiak aipatu zituen.

Lau taldeetako parte-hartzaileak erabat pozik atera ziren bizitako sukaldaritza esperientziarekin.

“EL PARTO ”

CIE Automotive Legazpik gizarte komunitateari emandako diru-laguntzari esker, Iratzarrik “EL PARTO” antzerki-komedia eskaini zion Legazpiko herriari.

Legazpiarren erantzuna bikaina izan zen eta Latxartegiko areto nagusiaren edukiera ia beteta egon zen.

Ikusleek, une askotan, barre egiteko, hunkitzeko eta hausnartzeko aukera izan zuten Urrup taldearen antzezpenarekin.

Ana Martínez Azconak idatzi eta Rosa Rojok zuzendutako lan honek, familia batek ospitalera egiten duen bisita familiako erditze batera joateko erabiliz, oraingo honetan, berdintasun idealek tradizio matxistan oraindik errotuta dauden familietan txertatzeko aurkitzen duten zailtasunari heldu zion.

Urrup antzerki taldeak, beste hainbat antzezlanekin eta beste hainbat herritan bezala, publiko legazpiarra liluratu zuen.

Zorionak!!

Nerea Anduaga Enriquek eman zuen Iratzarri elkarteak antolatutako tailerra, eta bi xaboi-mota nola egin erakutsi zuen: arropa garbitzeko xaboia eta aloe vera eta glizerinaren gorputzeko xaboia.

Izena eman zutenak hiru taldetan banatu ziren eta saioak ekainaren 3, 10 eta 17an izan ziren. Ekimenak oso harrera ona izan zuen eta plazak denbora gutxian agortu ziren.

Arropa garbitzeko xaboia egiteko, olio erabilia, soda kaustikoa eta ura behar dira. Soda kaustikoa denda askotan eros daiteke.

Osagaiak: hiru litro olio, beste hiru litro ur eta kilo erdi soda.

•Nahastu 40 bat minutuz, beti norabide berean mugituz.

•Gogortzen hasten denean, hiruzpalau egunez uzten du molde batean lehortzen, zatitan mozten da eta, hilabete bat toki ilun batean gorde ondoren, erabiltzeko prest dago.

Gorputzeko xaboiak glizerina eta aloe vera behar ditu. Xaboi-mota hori egiteko prozesua erraza eta azkarra da:

·       Glizerina Maria bainuan urtzen da, eta, ondoren, albotik ateratako mamiarekin irabiatu behar da. Aloetik mamia kentzeko, gutxienez 24 orduz eduki behar da ur hotzetan.

·       Dena nahastu ondoren, koloratzailea eta esentzia aromatikoak gehitu, eta moldean utzi, gutxienez ordubetez.

Horrela, xaboi merke eta propietate oso onekoa lortzen da.

Parte-hartzaileek eta ikastaroa emateaz arduratu direnek poza adierazi dute.

Parte-hartzaileek eta ikastaroa emateaz arduratu direnek poza adierazi dute. Asetasun horrek elkartea animatzen du horrelako jarduerak aurrera eramaten jarraitzeko.

Hasieratik, ikastaroak bazkide eta legazpiarren arteko  harrera ona izan zuen. Izan ere, Iratzarrik hasieran aurreikusitako bi taldeetatik bat gehiago planteatu behar izan zuen.

Ikastaroa normaltasun osoz egin zen, Noemiren babespean, aurrez hiru alorretan  ezarritako programa betez:

1. Ariketak: Bizkarra indartu eta hobetzeko norberak bere kabuz egin ditzakeen ariketa errazen taulak ezagutuz eta praktikan jarriz.

2. Ergonomia: Eguneroko lanetarako jarrera- eta mugimendu-ariketak (jaikitzea, pisuak altxatzea, etab.)

3. Aholkuak: mina saihestu eta tratatzeko,... agertzen denean.

Saioak oso dinamikoak izan ziren eta partehartzaileei ahalegina eta kontzentrazioa eskatu zien.

Bileraren amaieran, bertaratutakoek ikastaroaren garapenaren onarpena eta asebetetzea adierazi zuten.

Pailazoa da Pauxa, eta bizitzari, heriotzari eta sexuari buruz galdetzen du.' Ikusleak beren gogoeta barregarrien lekuko eta konplize gisa hartuta, sexu-gaietan egindako hastapenen berri emango digu.

Virginia Imazek, beste behin ere, umorez eta samurtasunez aurkezten gaitu, clown jokoari esker, masturbazioa, koitoa, orgasmoa... eta, oro har, errurik gabeko plazeraren irakasgaia.

• Egilea eta zuzendaria: Virginia Imaz.

•Clown: Virginia Imaz

• Argiztapen eta soinu teknikaria: Txispas

Hizkuntza: gaztelania.

Publikoa: heldua.

Iraupena: 75' GUTXI GORABEHERA.