Joan den larunbatean, hilak 5, Iratzarri emakumeen elkarteko 50-bat lagunek egun osoko txangoa egin genuen Bizkaiko Balmasedara eta inguruko parajeetara. Besteak beste, La Encartada txapel lantegia, Balmaseda herria bera, Pozalaguako kobazuloa eta Laredo bisitatu genituen. Aurreikusitako programa osoa bete ahal izan zen, bertaratutakoen puntualtasunari esker. Itzultzean egindako iruzkin orokorra izan zen, eguna, primeran pasatu genuela.