Legazpiko Iratzarri emakume elkarteak tailer berri bat antolatu du, Ezagutu landareen magia izenburuarekin. Edurne Etxeberriak emango du tailerra, ekainaren 16an eta 17an, Iratzarriren lokaletan, 16:00etatik 18:00ak bitartean.

Sendabelarrak identifikatzen eta ukenduak egiten ikasteko tailerra izango da, eta hiru zatitan banatuta egongo da. Batetik, partaideek irteera bat egingo dute sendabelarrak bertatik bertara identifikatzeko eta biltzeko. Bestetik, sendabelar horiek nola tratatu eta zein onura ekar ditzaketen landuko dute. Eta azkenik, ukenduen eta kremen elaborazioarekin hasiko dira. Irteeraren eguna ikastaroan bertan zehaztuko dute partaide guztien artean.

Zentzumenezko kontzientzia gure sentsazioekiko lotura lantzeko aukera ematen digun praktika da. Horrek erlaxatzen laguntzen digu, eta egoera bakoitzean egoteko tresnak ematen dizkigu. 

Esperientzia guztiz bizigarria da, eta erabiltzen diren tresnak hitzak, ahotsa, musika, soinuak eta sortzen dena izango dira.

Aurreko urtean bezala, Gabonak hurbiltzen zirenean antolatu zen

Eguberrietako menua gure etxeetan prestatzen lagunduko ligukeen ideiak eta ezagutza emateko tailer bat; proposamenak izan duen harrera ona ikusita, aurten tailer hori errepikatzea erabaki dugu. Legazpiko Baladi Goiburu sukaldariari deitu diogu menu hori elkartearen lokaletan prestatzeko. Menua lehen platera, bigarren platera eta postrea izango lirateke. Hasiera batean, tailerrak hamar lagun hartuko ditu gehienez, eta, izen gehiago emanez gero, beste egun batzuetan ere egingo da.